古古怪怪

澄澄有個好得意嘅毛病, 就係對某一類嘅詞彙佢需要一段時間去適應同練習, 至可以講得啱個名詞。

例如細個响 Disneyland 見到 Chip & Dale, 佢會叫咗做 Jingle Bell; 史廸仔會叫咗做廸士仔; 蓮蓉飽會叫咗做黃奶飽 (唔係奶黃飽噃); 聖誕節見到來朝拜耶穌嘅三皇，就叫佢地做皇兄弟；仲有姑太就叫咗太婆…，不過經過一段若干嘅時間，佢就會講得返正確嘅名，好奇怪！

今晚佢又無端端講"歡迎光臨，隨便柬"，唔知又喺邊度聽返嚟?

澄澄近來嘅行為仲有啲返轉頭，變返一個唔懂事嘅細路仔乜都搞。細個嘅時候佢唔會玩塗鴉，即係唔會亂响啲牆或者櫃上面寫字，但係依家就會。細個佢又唔會爬高爬低，依家佢又會企上枱搞搞震！真係激氣...