澄澄又俾蚊咬

今日澄澄隻手同腳又俾蚊蚊咬咗幾啖，手腕果粒又大、又紅、又腫，我問佢痛唔痛，佢話痛，問佢痕唔痕，佢又話痕，我見到個蚊口仲好大，唔似一般嘅蚊。本來想帶佢睇醫生，又怕好似小提大做，所以都係同佢搽咗啲蚊膏再決定。

後來見佢無乜事，無特別叫痛，所以無去睇醫生；結果我又去Jusco買咗個驅蚊器，希望保護到佢，唔好俾蚊咬得咁狠！

大廈依家維修緊，搭咗棚圍咗網，佢都俾蚊咬成咁，遲吓拆棚咁點算呢？估唔到呢樣嘢佢就似足我一樣咁惹蚊！將來再買樓，裝修嘅時候都要安裝埋隔蚊網，以防萬一！