澄澄激嬲媽咪

每朝早我出門口之前，我都會同澄澄講，下畫我會打電話返嚟俾佢，佢都會應我好呀！

今日下畫我打電話返屋企想同澄澄傾計，點知佢無心機講，姐姐叫極佢都唔肯聽，所以我都嬲嬲地收咗佢線。

夜晚到我放工返嚟，佢可能知道自己做錯嘢，所以都唔敢企出嚟叫我，結果令我更加唔開心啦！於是成晚我都無同佢講嘢，佢亦都無同我傾計，只係叫姐姐同佢玩....真係心淡！