每日澄澄必玩嘅遊戲

澄澄每晚都例必要人同佢玩UNO，所以佢已經玩得好叻，知道幾時應該用Wild Card，幾時用罰人嘅Draw 2 card。

佢有一樣好值得讚賞嘅行為，就係佢玩遊戲唔會介意贏定輸，佢都只係會叫"再玩"。

其實澄澄都算係一個唔錯嘅細路，佢唔會刁蠻扭計，由細到大同佢講過唔可以搞嘅嘢，例如電制，或者擺响床頭嘅相架，佢都一律唔會搞；出外飲茶或者去飲宴要坐成兩個幾三個鐘，佢都唔會離開張櫈四圍走，呢個優點亦曾經有好多朋友稱讚過佢，連我自己都覺得教得佢唔錯啦！

唯一最令人頭痛嘅就係食飯唔叻，經常含飯，要食成個鐘頭，真係無晒佢符！