自動自覺

今日澄澄要返學，前一晚我同佢講第二朝要自己識得起身，我只係會叫佢一次咋。

今朝我起身入咗厠所洗面，行出嚟嘅時候，未夠八點佢已經企咗响厠所門口，叫姐姐幫佢除咗條尿片。其實佢平時都好好記性，有啲嘢只要同佢講一次，佢就會記住。

放咗假咁耐，我問澄澄學校有無小朋友喊呢？佢同我講橙橙組同蘋果組小朋友喊呀！當然啦佢地係小弟弟小妹妹嘛，就好似澄澄細個果陣，一放完假返學就會喊囉。佢笑咗一笑就行開咗，可能佢覺得醜怪啦！