大人口吻

澄澄近來講嘅越嚟越似一個大人嘅口吻！

因為我咳咗都成幾個月都未好返，於是澄澄同我講"點解你咁耐都未好返嫁，睇完醫生又睇醫生，都唔好嘅？"

然後佢又叫我咳唔可以食橙同香蕉，唔可以飲橙汁，呢啲都係平時我同佢講過嘅嘢....

佢又同姐姐講你未好返要戴口罩，因為仲有細菌，會傳俾我嫁！

夜晚佢同姐姐玩煮飯仔嘅時候，佢又同姐姐講如果菲菲唔食快啲，就要罰佢去厨房洗碗；玩UNO嘅時候，又同姐姐講唔可以挭牌，如果唔係，就無人同你玩，因為之前澄澄經常將啲罰人嘅Draw2 card、或者百搭嘅Wild card派晒俾自己，所以我同佢講咁茅唔會有人同佢玩嫁。

如果有啲嘢(例如去提款機攞錢)我同佢講等佢大個先做得嘅，佢就會同我講我已經大個喇，我係菲菲媽咪！可能响佢心目中，媽咪就等如係大人。