天氣稍稍回暖，屋企就開始有蚊，噙晚澄澄仲俾蚊蚊咬到一面都係，睇見都心痛！
今朝澄澄起身嘅時候同我講隻手手痛，至知道原來佢俾蚊咬腫咗隻拇指同手腕，面上仲有四大粒蚊蚊，連手連腳一共九粒，真係可憐。
平時如果我俾蚊咬，就一定會起身開燈趕走隻蚊我至瞓，但係今次隻蚊只係咬澄澄一個，所以連我都唔知，幫佢唔到。
以往我都係好惹蚊嘅人，但自從澄澄出咗世之後，佢就代替咗我，好多次俾蚊咬到豬頭咁。最誇張個次係佢七、八個月大嘅時候，响印尼果邊一夜之間俾蚊蚊咬咗二十一粒，又大又瘀，好彩佢當時仲細，唔識得痛或者痕。
澄澄同我原來都係.......熱血之仕！
沒有留言:
發佈留言