呢幾日爸爸叫澄澄同佢講早晨或者晚安，澄澄都好唔合作，諸多扭擰。有時什至激得爸爸好唔開心。
今日爸爸搭飛機返印尼，我同澄澄都有送爸爸去巴士站。澄澄仲要用條baby sling帶埋菲菲落去，沿途好多人見到澄澄用揹帶揹著菲菲，都覺得好好笑。因為踫啱有人示威遊行，所以班車遲咗好多至到，不過最後都等到架車。
爸爸一上咗車，澄澄就同我講，好掛住爸爸。我都唔知佢講真定講假，因為之前佢又好硬頸，唔肯叫就唔叫，但係轉過頭又話好掛住。
我隔著車窗嘅玻璃同爸爸講澄澄話好掛住爸爸，爸爸雙眼都似有啲紅，唔知係咪好感動呢？
沒有留言:
發佈留言