又放假...

今日係學校嘅農曆新年慶祝會，小朋友都會着中國服返學校玩。

澄澄返去玩完果個半鐘就又有兩個星期嘅新年假。

每次我一講話又放假，佢就會學我嘅語氣講，嘥晒啲學費，成日放假唔返學。

我今年都買咗套新嘅華服俾澄澄(就係上面紅衫黑褲果套)，不過要天氣冷啲至可以着。

粉紅色條裙最多着埋今個農曆年已經好難再着，澄澄着完都會指住自己個肚話有BB，因為條裙包住咗佢個肚仔！