澄澄係大人!!!

澄澄近來成日話自己係大人，因為佢係菲菲嘅媽咪，佢又會照顧表弟表妹，所以澄澄大個女喇！

有次出街，佢係要用揹帶揹埋菲菲出去，管理處嘅姨姨問佢個洋娃娃叫乜名？佢同人講佢囡囡叫菲菲，又話菲菲個爸爸响印尼做嘢...

不過，澄澄真係好鍾意照顧細過佢嘅小朋友；所以對子君表妹，同浩浩表弟都好痛錫，見到佢地就話要抱佢地。

有時响街上見到一啲弟弟、妹妹，佢仲會摸吓人地塊面，好老積！