澄澄好怕人大聲

澄澄好怕人大聲講話或者鬧交，佢真係會驚到喊！

上個星期六屋企發生咗啲唔開心嘅事，澄澄舅母因為產後抑鬱同婆婆鬧到一發不可收拾。

婆婆從舅母屋企返嚟嘅時候，怒氣沖沖咁講話以後唔會再認呢個人做新抱。澄澄見到婆婆咁惡鬧人，跟本都唔知道人地係咪話佢就已經喊定先，話好驚婆婆鬧人。我唯有同佢講係舅母唔乖，鬧婆婆所以婆婆至咁嬲。

點知澄澄竟然返學校同佢嘅老師講返件事。

其實我都担心呢啲負面或者唔好嘅嘢同佢講咗，都唔知佢明唔明白，怕佢會經常掛响口邊，問點解，或者响當事人面前講返出嚟，令人難堪。所以我又同佢講件事已經發生咗，唔好再提喇，因為婆婆同舅父都會唔開心。

希望佢都會慢慢咁將呢件唔開心嘅事忘記咗佢，唔好有啲負面嘅影響！