曳曳受罰

下午lunch嘅時候我打電話返屋企想同澄澄講兩句，點知佢响電話另一邊大叫大嚷唔肯聽電話，第二次再打返去佢仲搶埋姐姐個電話，都係唔肯聽，仲話會打姐姐(因為姐姐要佢聽電話)，所以我同姐姐講放工返嚟我就會罰佢。

返到屋企我响鏡裡面見到澄澄企响廚房入面唔敢行出嚟，因為佢意識到我會罰佢。我換過衫之後就叫咗佢埋嚟同我講點解下畫咁曳唔肯聽電話仲話要打人，然後我就叫佢去房度罰企，諗吓自己做錯啲乜嘢要俾人罰。佢竟然問返我係咪要企到我沖完涼為止？

罰完企過之後，佢仲好嗲咁爬上我度叫我，好似無事咁，都唔知佢係咪真係反醒過，知道錯咗啲乜嘢。