蘋果妹妹

今晚我放工之後，爸爸話不如外出食飯，結果去咗Jusco入面嘅Pokka Cafe。

坐低無耐，有個waitress姐姐攞咗一份Disney嘅玩具埋嚟，話送俾蘋果妹妹。我好奇怪澄澄幾時有個咁嘅名，雖然呢間Pokka我地都嚟慣嚟熟，好多時澄澄想食餐包，而我又唔係叫set，佢地都會照樣俾個餐包澄澄，仲唔收錢，有時又會送dessert，都係因為澄澄幾氹得人開心啫。不過我都估唔到今次送份禮物咁大份啫！

唔知係咪因為澄澄今日塊面有小小紅卜卜，所以俾人叫佢做蘋果妹妹？