表弟走了！

不經不覺表弟已經返咗嚟兩個幾星期，聽日就要返美國。朝早姑婆請飲茶，之後雯雯姑姐返我地屋企收拾細軟，準備返佢娘家嘅屋企過一晚夜，然後從屋企出發去機場會比較方便。

經過連日嘅相處，澄澄對於同表弟嘅分離有少少唔捨得。一醒咗佢就問表弟去咗邊？我同佢講表弟已經走咗，返咗去佢婆婆屋企，聽日就返美國。佢問我去美國要唔要搭飛機？又問我佢地幾時再返嚟？好明顯佢係有啲唔捨得…

Jaden响度嘅時候，澄澄尤如一個家姐咁，經常陪伴Jaden左右，當佢玩啲唔應該玩嘅嘢，佢又會阻止佢，同佢講唔玩得架！

下午約咗Carmen姐姐食lunch，又去佢屋企玩咗一陣，走嘅時候，Carmen好唔捨得澄澄，叫澄澄留低陪佢瞓覺，怕醜嘅澄澄當然唔肯啦，但係佢都好鍾意同Carmen玩，見到面就手拖手一齊行成對孖公仔咁！