有趣嘅習慣

澄澄有個好得意嘅習慣，就係瞓覺嘅時候要捉著隻枕頭角嚟入睡。

呢個習慣由佢七、八個月大嘅時候我已經察覺到。佢當時好喜歡有個枕頭放响側邊，可能覺得有安全感，大大吓就鍾意摸住隻角嚟瞓。如果你响佢未瞓着嘅時候攞走佢個枕頭，佢就會耍盲雞咁用手揾返個枕頭出嚟，好得意！

佢有樣嘢好似我亦都算係一個好習慣，就係固定一個地方放嘢。你只要同佢講一次，佢就會記住邊個地方用嚟放啲乜嘢。有次我無意中將佢玩完嘅UNO放錯咗第二個櫃桶，佢當然揾唔到啦，於是走嚟問我；我好自然就耍開佢，話係平時個櫃桶囉！佢答我都無；於是我醒起放咗响第二個櫃桶，叫佢去睇吓係咪，佢一見到就皺埋眉頭同我投訴，都唔係放呢度嘅！我唯有同佢say sorry，因為係我擺錯地方，然後再同佢講，因為佢無收拾好，所以我至幫佢收拾，咪擺錯地方囉！