今朝早我返工前，澄澄响我手袋裡面攞咗個散字包出嚟同我講：Kitty姨姨都有呢個銀包呀！剎時間我都要諗吓佢講緊邊個，原來佢係講緊三個幾禮拜前我地同Kitty食lunch嘅時候，佢曾經攞過個散字包出嚟，個款係一樣但唔同色，佢竟然仲記得，更加估唔到嘅係佢連Kitty個名都記得。因為平時比較多提住嘅都係Jac姨姨、顧顧姨姨，Kitty就比較少見同提起，更出奇就係我問佢：咁Kitty姨姨有個女女叫詡賢姐姐都送過禮物俾你喎？佢即刻就指住擺咗响電視機柜個玩具話：呢個電腦囉！話說呢個電腦係大約半年前有晚响西貢食飯時候，詡賢姐姐送俾澄澄嘅，佢竟然仲記得喎，真厲害！
沒有留言:
發佈留言