澄澄每晚都係攬住Minnie就自己瞓覺，我就会把握呢段黃金時間去處理一下我嘅私人事務。噙晚我寫緊Blog嘅時候，突然"砰"一聲，跟住就係澄澄嘅喊聲，我即刻就意識到佢一定係跌咗落床，於是乎即刻入房睇吓佢，已經見佢"趴"咗响地上面。我問佢有無邊度痛，佢都只係一邊喊一邊又好眼瞓。於是我幫佢檢查過佢嘅頭、手同脚，見佢無特別喊得厲害就應該係無大礙嘅，尤其係佢一向都跌慣，佢係呢張床大大話話都跌過十次八次，嗰陣都只係一歲左右！
今朝起身我再問返佢，佢都已經唔記得哂，仲問我係咪細個果陣？算啦好彩佢都無乜大礙。咁岩前晚學校派咗本書返嚟要家長同佢講解，裡面曾經見過一張上下格床嘅圖書，佢即時就聯想起，仲同我講: 澄澄依家細個，要瞓下面，大個先瞓上面，因為會跌落床架！幾醒....哈哈！
沒有留言:
發佈留言