第一次食糖

噙日响玩具反斗城澄澄見到瑞士糖，係都要我買俾佢，後來我話買軟糖啦，但係又無得賣，結果就成全佢買咗佢想要嘅第一筒糖。初初佢攞咗一粒揸住响手點都唔肯食，後尾我話要沒收咗佢筒糖至肯食。因為佢係第一次食糖，而瑞士糖又有啲硬，食食吓黏住响啲牙度，佢覺得好唔舒服，於是猛叫我地幫佢整返出嚟。之後我問佢仲要唔要食糖，佢就耍手兼擰頭。有剩嗰啲糖我叫佢帶返學校請小朋友食，佢都無反對！