又有新名字

澄澄之前曾經講過學校有個小朋友講嘢好大聲，俾佢嚇親仲走去同蔡主任投訴，當時我問佢個小朋友叫咩名佢都唔識講，事隔兩個禮拜，佢再同我講返件事，已經可以講埋個名，原來佢叫亜濤。


之後澄澄又講俾我知：我地橙組仲有穎欣，力生哥哥調去萍果組喊呀！於是我攞學校派返嚟嘅校刋俾澄澄睇，佢都可以逐個小朋友講佢地個名俾我知，當我認錯咗某個小朋友個名，佢仲指証我：媽咪搞錯咗呀！


So far 我都未有聽佢講過邊個小朋友唔同佢玩或者同佢爭嘢玩等負面嘅報告，希望佢同其他小朋友可以容洽相處啦！佢最近返學如果唔見到蔡主任企响門口接佢，佢就唔肯行入學校，係都要等到老師出嚟，真係難搞。