澄澄自從返咗學之後，學識咗用杯飲水，加上佢都快三歲，所以開始要俾佢轉用杯飲奶。結果成餐奶用咗25-30分鐘至飲完，比起用奶樽多咗十幾廾分鐘，所以我都只係會喺夜晚餐奶至轉用杯，否則朝早實遲到返學！
同埋唔知點解用杯飲好似多咗好多咁，只係飲咗一半，澄澄就話飽喇，飲到好辛苦咁！
自從屋企多咗個姐姐，澄澄就唔多唔少有咗依賴，有時玩完收拾玩具、著鞋著襪、擦牙都假手他人，叫姐姐幫手。所以到依家都未係好熟悉點樣自己用匙羹'畢'飯食，更何況用筷子食飯。所以請工人都係有利有弊，澄澄什至會'恰'姐姐，唔同佢合作，有時什至郁手郁腳，會對姐姐無禮貌搶嘢。可見細路仔其實都好'精'，識得尊卑有別！不得了......
曾經都有試過要我個女用杯飲奶, 但佢都唔係好肯用; 又試過俾佢用杯飲利賓納不過都只肯飲一半就唔飲啦, 所以最後都係放棄咗... 都係等佢再大啲先至算!
回覆刪除慢慢習慣吓就會用，尤其係响學校見到其他小朋友用，就會用埋一份。澄澄依家除咗飲奶用奶樽，其餘大部份時候都係用杯飲喇！
回覆刪除