都係奶樽好

澄澄噙晚試過用杯飲奶之後，今晚就唔肯再用，喊哂口係要用返奶樽至飲，可能佢覺得好多，又要好小心，所以都係放棄。用返奶樽，唔使十分鐘就飲完，又真係好容易，又唔會倒瀉，算啦，遲吓再俾佢試啦！

聽日爸爸就返嚟，夜晚澄澄叫我幫爸爸'check him'....吓？係咪佢個朋友仔'卓謙'呀？都唔係，原來係'check-in'至真！

我早幾日已經開始同澄澄講要學吓喺隔離間房同姐姐瞓，佢就話等爸爸返嚟先啦，又睇吓佢到時係咪真係肯。其實每晚佢都係自己瞓，唔使人陪，又唔係怕黑，都唔知有乜問題咁難換房嘅？