打風唔駛返學

因為黑格比，澄澄無端端又多日假期。噙晚婆婆打電話同澄澄講一號風球，可能聽日又唔使返學喇！澄澄即刻就話都未二號風球.....

今朝早我同佢講天文台公報咗幼稚園唔使返學喇，佢即刻就落床望吓個電視，然後問我使唔使返工。平時叫佢起身食奶、返學，佢都無咁快，一話唔使返學，佢就即刻起身落床！

因為今日佢唔使返學無功課派返嚟，所以自己俾咗啲作業佢練習，練吓橫、直、斜、彎線同圓圈，佢都好俾心機做，不過做得四五頁佢就話夠喇夠喇。為咗唔想佢對做功課有抗拒感，所以我都唔會迫佢，亦因為咁，所以佢對自己嘅功課都好着緊去做，都算係咁啦！