澄澄唔乖...原唔原諒？

澄澄好多時知道自己做錯嘢俾我知道，佢就會驚然后流哂眼淚問我"原唔原諒佢呀"？又會話"下次唔敢喇"。

今日我特登話唔原諒喇，然後要佢自已上床瞓覺，因為澄澄每次都係話下次唔敢，但係又屢犯不改。於是佢喊到好淒凉咁，企响房門口叫我同佢講一個故事就瞓覺，我堅決唔講只係同咗佢入房，然後佢自己上床，我就熄燈閂門，佢亦都無再扭計或者喊就瞓覺喇！

其實佢唔係犯咗好大錯，不過我唔想佢當"耳邊風"或者唸口旺咁講完就以為無事。希望佢真係明白我嘅意思啦！有時有啲佢知道係危险嘅、對佢係唔好嘅，佢真係會記住唔再做，但係叫佢唔好對姐姐無禮貌，要聽姐姐話，佢就講極都係咁，好識得"恰"人。