太太走了

剛剛出去食完晚飯，返到屋企見到婆婆同舅父嘅missed calls，原來係我嘅嫲嫲，即係澄澄嘅太太佢終於走了! 事實佢亦都年紀好大，已經九十幾歲，只要走得安詳都算係一種福氣。

我都有將呢個消息講俾澄澄聽，我同佢解釋因為太太年紀好大喇，總會有死嘅一日，佢聽完後無乜太大嘅反應，或者佢仲未好感受到乜嘢係生離死別，又或者佢對太太嘅感情唔係好深厚啦!

因為發生件咁嘅事，所以今年我地都唔方便去同人拜年。澄澄反應好快就問返我，咁第二年太太都係唔喺度，我地都唔可以拜年啦! 唉，呢個小鬼真係機靈，咁都俾佢諗到!