新姐姐!

照顧咗澄澄兩年嘅Aan姐姐終於噙日last day咗! 起初我以為澄澄會唔捨得同喊，但係唔知佢係因為鬥氣抑或真係無唔捨得......

因為朝早澄澄要返英文，放學我就要帶姐姐去Agent度辦埋手續就離開；我曾經同澄澄講不如叫姑媽或者爺爺接佢放學，等我搞掂就接返佢，但係佢係都唔要；朝早嫲嫲仲打電話嚟話接佢放學，可能澄澄聽到我地講電話，已經發脾氣又扮嬲；我之後同佢講咁你唔好到時喊喎，點知佢答我話：我唔鍾意嗰啲人我唔會喊嘅!

去到Agent度見到新嘅Yani姐姐，佢怕醜唔肯望人，仲纏住Aan姐姐，點知無耐，佢就同Aan姐姐握手bye bye，之後就鬼咁熱情咁攬住個新姐姐隻腳，玩得不知幾開心! 我都唔明點解澄澄對啲印尼姐姐總係咁熱情?

相處咗都唔夠半日，澄澄已經同Yani姐姐講，叫佢第日唔好返印尼，哈，唔通係一見鍾情?