浪卡到訪!

踏入夏季，亦即是颱風嘅季節；今年第一個颱風浪卡到訪，就令到澄澄滿懷希望、準備去海洋公園嘅夢想破滅咗，好可憐呀！

我原本都打算六月帶澄澄去Ocean Park玩返次，點知一係就好熱，完全唔適宜戶外活動；一係就流感當道，再唔係就打風落雨，真係福無從至、禍不單行。唔通要豁出去，坐言起行？

澄澄為咗要去海洋公園，好努力學乖，因為我要佢儲夠三十個貼紙先可以去；要有貼紙就要佢perform 得好，無扭計至有，當然我好多時都唔會刻扣佢嘅貼紙嘅，只要佢唔係特別曳、唔聽話。

其實如果聽日唔係太大雨，我都會同佢去嘅，等佢了咗件心事.....話晒放咁耐假要留佢响屋企又都幾悶嘅！