澄澄愛嗲

呢幾日澄澄變得好嗲，唔知點解呢？

夜晚瞓覺嘅時候，有時會忽然喊到好可憐，話唔要我做嘢陪佢瞓覺。呢兩晚我放工返嚟，佢就第一時間同我講，晏畫佢瞓覺嘅時候都喊，因為佢好掛住我喎！

寫到呢度又聽見佢喊住問我做完嘢未？結果要陪佢瞓咗至可以繼續寫埋落去；最後搞咗個幾鐘頭，佢終於瞓咗。唔知係咪同佢近來鍾意跟住老師，想搵個依傍有關？遲啲如果搬咗屋，唔知佢係咪真係可以自己一個人瞓覺，佢把口就係咁同爸爸講，話唔使同爸爸媽媽瞓，自己瞓醒起身就會過嚟我地房間叫醒我地。希望佢過幾日會回復正常，唔好再鬧情緒。