好貪靚!!!

澄澄越大越貪靚，又要學人留長頭髮(不過媽咪都想佢留長)，但係紥辮只肯紥一條，因為佢話要學大人一樣，好似媽咪咁；我自己當然唔會紥兩條啦，但又好難搵個大人紥兩條辮嘅俾佢睇，所以每朝返學或者去街，都要講一輪數，至決定到紥一條定係兩條...唉!

佢又好鍾意着裙，放學返咗屋企，佢都要搵條裙嚟着，有時仲着到不倫不類，吊帶裙入面又加見T-shirt，總之唔俾佢着就唔得，迫到我最後唯有將啲裙收埋，佢至心息。

最近佢仲連星期二同四，返學着運動衫嘅日子，都話要着裙，真係貪靚！