結婚十週年 - Tin Anniversary

不經不覺結婚已經十年，我向來對呢啲特別日子都唔係特別記得，反過來Eric喺呢方面比我心思細密，最近幾年都係由佢提返醒我。

我同澄澄講聽日係爸爸同媽媽結婚十週年喎，佢當然唔知點解，不過佢識得問我係咪澄澄未出世呀？醒目!!

我同佢講唔知爸爸會唔會帶埋澄澄嚟接我放工食飯呢？澄澄只係記得要問我老闆會唔會喺度架？因為佢曾經要求過去公司揾我，當時我同佢講老闆喺度唔可以俾佢嚟架，會話澄澄阻住媽咪返工，所以佢仲好記得，又睇吓佢兩父女聽日邊個記得提邊個啦！