澄澄曾經講過亞B係佢老公，亞B其實係雯雯姑姐嘅老公，即係Jaden表弟嘅Daddy；但係澄澄耐唔耐就同我提返亞B係佢老公。其實澄澄唔係見過亞B好多次，只係舊年十二月嘅時候，佢地一家返咗嚟住响我地屋企，但係亞B都唔係同澄澄玩得特別多，就係唔明點解佢會成日講住佢老公就係亞B?? 唔知雯雯姑姐會唔會呷醋呢?
就算鄉下嘅杰杰表哥，佢都好掛住佢，成日問我同婆婆幾時又去探表哥，有個玩具送俾佢，佢都唔會話杰杰就係佢老公，真係費解!
早一排，佢已經開始同我講學校裡面邊個係邊個老公、老婆，初時我仲笑佢乜佢地咁快就結咗婚喇？點知今晚佢同我講姜心健係我老公；哎，乜依家啲豆丁咁人細鬼大，K1已經講埋啲咁嘅嘢？再問佢點解佢係澄澄個老公？因為佢好鍾意澄澄？佢答我因為心健成日叫澄澄，你嚟啦，你嚟啦! 可能澄澄覺得咁樣就代表人地好鍾意自己，因為有人好在乎佢！
沒有留言:
發佈留言