半夢半醒嘅澄澄

有一晚臨瞓前我嘅胃好唔舒服，於是瞓落床嘅時候我同澄澄訢苦，其實澄澄已經瞓咗，當時已經係一點幾鐘。我問澄澄媽咪個胃唔舒服，可唔可以陪我去see doctor呀？佢半夢半醒之間應我話可以，隨即佢又問我咁夜點see呀？...原來佢都仲清醒，知道已經係三更半夜無醫生睇喇！

有時澄澄瞓着咗唔知係咪發夢，喺度郁手郁腳，好似想打人咁；如果佢打到空氣，佢會唔係好忿氣咁，想繼續揾個目標出嚟俾佢發洩。我最怕係佢一係打咗落牆，一係打落我度，因為佢都唔係有心，所以又唔可以怪佢，但係發夢打人又真係幾痛，因為佢又唔會就住你嚟打！