表弟生日會

今日係澄澄嘅表弟一歲生日會，Fanny姨姨喺Spaghetti House幫表弟樂樂開咗個Birthday Party。不過可能表弟唔夠瞓，又見到咁多人，所以起初都有啲扭計，不過短差咗一輪電之後，佢已經適應咗，好叻仔呀！

澄澄今日竟然變咗全場最大嗰個姐姐喎，其他小朋友都只係一歲至兩歲左右，真搞笑，眨眼間做咗人地嘅榜樣。好彩呢個姐姐都算乖，無同小朋友爭玩具，又好錫表弟，成日話要同表弟玩同影相。

連Aan姐姐都讚澄澄好叻，平時成日癡住媽咪唔肯自己玩，但係今日澄澄全個party都係自己玩，週圍走來走去，亦都無叫姐姐陪佢，真係有進步！比起上個星期去洛程屋企就正常返好多，上星期真係唔知佢發生乜嘢事，有啲失常？

過去兩年嘅生日，澄澄都無自己開生日會，反而係趁做冬出去食飯順便幫佢慶祝埋，本來澄澄今年三歲都好想幫佢開個生日會，搵啲小朋友返嚟同佢玩，不過今年撞啱佢嘅表叔又結婚，連續兩日有function又怕佢會太攰，所以都係考慮吓先啦！