嘉年華

今日係渣打辦嘅嘉年華會，有好多攤位免費教你做有趣嘅手工藝，澄澄都好喜歡，除此之外，仲有表演、花車巡遊、又有導師教跳舞。唯一澄澄唔鍾意嘅就係高腳七(即係踩高蹺嗰啲人)，佢連行近佢都唔肯，更加唔肯同佢影相。

逗留咗兩個鐘頭，因為要食飯，所以澄澄唯有依依不捨咁離開。仲話食完再去過，不過食完飯又已經好晏，所以無再去到。

澄澄最鍾意就係品嗰頂紅番帽，因為好似長頭髮咁，所以沿途佢都唔肯除低落嚟，真係好貪靚！

瞓醒覺佢無端端講句敝家伙，我問佢知唔知點解，其實佢都唔識，都唔知佢喺邊度學返嚟？