自從上星期罰過佢之後，我有留意到佢同菲菲玩媽咪同囡囡嘅時候，佢成日話菲菲唔乖，唔係含飯就係唔聽媽咪話，所以要我罰佢。我意識到佢好介意俾我罰，所以都要我罰菲菲。
有次我問返佢係咪唔想俾媽咪罰，叫佢應承我以後唔好再激我同要聽話，咁我亦都應承佢唔再罰佢，因為罰澄澄媽咪個心都一樣咁痛。之後佢又真係比以前有改善，有時佢自己仲會講媽咪叫我收拾我就收拾，乖唔乖呀？
其實我都唔想用體罰去迫佢改過，不過有時真係俾佢激都紥紥跳，忍無可忍唯有出手。但係見佢有咁深遠嘅影響，我又於心不忍。以後唯有俾啲耐性去教佢，希望遁遁善誘可以令佢改變！
jaden 唔听话都激死我。 而家我最烦系jaden 唔钟意食菜。
回覆刪除澄澄初初都唔鍾意食菜，後來同佢講如果唔食菜就唔會高，想自己開雪櫃搵嘢食都開唔到，不過最有效都係有次返鄉下見佢細佢成年嘅表妹自己用手攞住條菜心嚟咬，我地讚表妹叻，之後澄澄就開始話食菜，不過要學表妹咁一樣揸住條菜嚟食，仲要係菜心添呀。不如下次等表姐响Jaden面前表演吓，睇吓表弟受唔受落啦？
回覆刪除jaden 可能未明， 唔识学姐姐一样要人赞。
回覆刪除