廸士尼之旅

三月二十九日 星期六


一連兩日，澄澄同爸爸媽媽去咗廸士尼玩。响佢兩歲嘅時候曾經去過海洋公園，嗰次佢都玩得幾開心，所以無諗過佢今次反而有好多嘢唔敢玩、唔鍾意玩，特別係一啲室內嘅遊樂區，燈光比較昏暗嘅，佢就喊哂口，好淒涼！


澄澄最鍾意玩嘅就係璇轉木馬、咖啡杯、小飛象、飛碟等等嘅電動遊戲機。仲同好多卡通人物影相，除咗Groofy，因為佢有鬍鬚所以點都唔肯同佢影相。


當我地問佢仲要唔要再嚟Disneyland玩，佢都唔見得好雀躍，或者對佢嚟講仲係細咗啲，無乜興趣。反而對啲勁歌熱舞仲有反應，一直跳過唔停。