開學一段時間，澄澄重新將身邊嘅好朋友定位，以前有Jaycee，依家就係鄧海悠，本來仲有個好朋友姜秀欣，組成光之美少女，不過呢個學期開始，秀欣轉咗校，剩低悠悠一個。但係兩個女仔竟然都有爭風呷醋嘅時候...
澄澄同我講悠悠鍾意姜心健，佢曾經都係澄澄K1時嘅'老公'，佢話悠悠見到佢兩個行埋一齊傾計，悠悠就唔開心... 吓，咁細個小朋友都有呢啲問題？
但係澄澄話佢會讓悠悠，因為悠悠係佢朋友，以前如果澄澄做咗啲嘢令Jaycee唔高興，Jaycee就會同澄澄講話唔同佢玩，所以澄澄話悠悠好啲，不過佢仲係好掛住Jaycee呢個好朋友，唔知呢段友誼可以維持幾耐呢？
澄澄其實都唔係一個計較嘅人，所以佢唔會好容易就話唔同呢個玩、唔同果個玩，呢樣嘢佢就handle得比媽咪好，想當年媽咪見到啲咁嘅情形就最怕，寧願行開就算數了事。希望澄澄慢慢長大，會交到更多真正嘅好朋友！
其实我想留言俾10月3日个篇， 但系见唔到有link
回覆刪除专家话俾细路同其他亲戚单独相处系好事黎。 既可以训练小朋友独立， 又可以另小朋友同其他亲戚建立特殊关系/有深刻经验。 如果父母可以趁机拍拖更理想， 家庭辅导人员尤其鼓励， 因为可以让小朋友看/知到父母恩爱， 不但不会怕父母离开自己， 反而更能感受到自己活在一个充满爱的家庭。 你不妨考虑自己一个周末去印尼探eric， 留底澄澄俾公公婆婆呀！