成功戒片

澄澄即將踏入四歲半，我同佢講不如唔好再着尿片瞓覺啦？佢一口就應承我，一來夏天就到，着住成晚都幾熱幾唔舒服；二來佢覺得咁樣代表自己已經大個女。

其實之前佢都已經訓練到成個月條片瞓醒都唔會濕，起初會半夜叫醒佢起身去廁所，之後將起身嘅時間逐少逐少推遲，之後又試過由得佢咗起身，結果都無出事，所以就正式幫佢放棄着片。

每晚臨瞓前，我都會提佢先去廁所，然後所提醒佢已經無着片；呢兩晚佢仲會自動自覺起身同我講要去廁所，都算成功同過程都幾順利，值得為佢而驕傲！