仲有一個星期，爸爸就從印尼回來。澄澄好清楚知道有乜嘢係爸爸唔鐘意佢做，有乜嘢爸爸好想佢做....
好似噙日佢响Jusco見到啲貼指甲嘅貼紙，好想要，但係佢又知道爸爸唔鐘意佢咁貪靚，所以佢同我講，唔好貼住，等爸爸走咗先貼！
今晚佢又突然同我講：我地喺香港，爸爸就返嚟，不如你同我講多啲英文，如果唔係爸爸返到嚟問我媽咪有無同你講英文，我話無，佢就會鬧你。澄澄可能係見過我同爸爸有拗撓，所以唔想見到我地咁樣，又可能係佢怕爸爸會怪佢唔學好啲英文；我都唔知呢啲算唔算係我地做人父母俾咗佢嘅無形壓力?!
連咁細個嘅佢都識得幫我地諗，真係有啲慚愧，只怪我地做大人嘅唔可以好好咁控制自己嘅情緒，俾佢見到我地相處間嘅問題，反過嚟幫我地担心；所以算係為咗佢，我希望自己可以抑制一啲，唔好俾咗啲不良陰影响佢嘅童年。尤其係我知道佢好喜歡模仿我嘅一切，所以言行舉止都要特別小心，但係我都好需要身邊嘅人給予支持同配合，先可以事半功倍！
沒有留言:
發佈留言