學校觀課

呢次唔係第一次去學校觀課，但係覺得眼前嘅澄澄有些少唔同，唔知同少咗好朋友喺身邊有無關係?

一開始係全部小朋友一齊跳"身痕"舞，澄澄好似唔係太投入，無乜點郁；之後响課室，佢竟然坐到最後一行，以往佢都係拍住Jaycee坐响老師面前第一、二行，如今佢走到最後面，唔知點解呢?

不過，上堂嘅時候都見佢有留心聽老師講課，都算係咁啦! 但係因為第一節普通話已經上咗一個鐘頭，所以無時間再同老師會談，有啲可惜。

放學嘅時候，原來婆婆過咗嚟睇澄澄，所以澄澄好開心，又可以向婆婆詐驕，要人陪佢瞓覺。希望佢無受到Jaycee影響，繼續開開心心返學，識多啲朋友仔，做個人見人愛嘅好寶寶!