影宣傳相

上次澄澄參加完小小Model選舉之後，得獎就會被挑選去幫學校影一輯宣傳相；而今日就上咗studio影相，我除咗幫佢換好跳舞衣同梳頭之外，跟住就交俾學校同佢化妝，然後影相，為時三個鐘。一開始澄澄都有啲驚，唔想影，後來知道有得化妝，於是我話唔好影佢都唔肯。

趁佢影相之際，我去咗皓皓屋企參觀吓，間屋面積雖然細，但係同樣好見地方用。最重要係有個超正景觀，有小小海景之餘仲可以睇到煙花添，間屋一樣開揚。同噙日睇過嘅除咗面積大少有異，公屋同私人樓分別之外，影觀一啲都唔會輸蝕，其實講到尾都係最緊要住得舒服啫!

夠鐘去接返澄澄，原來除咗佢地果一輪，仲有第二輪大個小小嘅都係影相；响我未到嘅時候，澄澄乖乖咁喺間房度等我，亦都無驚，已經係一大進步! 讚