第二日舅父帶我地去咗長鹿公園，裡面有好多機動遊戲同水上活動，例如坐船仔都有好幾款，但係澄澄偏偏怕水，乜都唔肯玩，激死人!反而年紀比較細嘅表弟表妹仲夠胆玩...
第三日舅母帶我地去擇士多啤梨，澄澄起初都唔肯落塊田度，因為佢怕污糟，雖然有水鞋，但係因為之前落過雨，所以滿地泥濘；最後佢都有落田，仲叻到唔使人拖住佢。
之後又去咗海產市場買海鮮準備夜晚餐海鮮餐，澄澄一見到水就有恐懼，人地行過濺濕少少水都鬼叫。幾個細路食完飯之後玩返學，一陣話春遊，一陣又玩賣物會，玩得好開心；不過表哥表姐第二日要返學，所以只可以玩到呢度為止。
今次澄澄走嘅時候，婆婆叫澄澄唔好再喊，結果佢都係喊，話唔捨得婆婆喎!
沒有留言:
發佈留言