海南、三亞之旅 (三)

第三日已經開始有啲懶洋洋，一起身已經九點，匆匆梳洗完畢就落樓下食早餐，之後又帶澄澄去游水；其實澄澄一啲都唔鍾意，本來一件人地眼中嘅樂事，就變成澄澄嘅苦差，見到佢喊得咁淒涼，我都有啲心痛，但係爸爸都係想佢好嘅，不過咁勉強令佢咁驚，我又有保留咁嘅方法係咪湊效？

所以我自已唔鍾意游水我都着好泳衣陪佢，作為支持，結果每個早上去游水對澄澄都變成一場幾經辛苦嘅掙紮。

夜晚出去搵咗間西餐廳叫"Fat Daddy胖老爹"，其實似一間pub多啲，不過啲嘢食出奇地好食，最難得就係門外有澄澄最鍾意嘅韆鞦，又有snooker，澄澄仲交到幾個外國朋友仔，難得呢幾個外國小朋友嘅普通話仲講得好好，於是澄澄都放胆講埋一份!

呢個旅程雖然澄澄唔鍾意游水，但係佢講多咗普通話，唔理啱定唔啱，佢都夠胆同陌生人講或者發問，都係一個難能可貴嘅經歷嚟嘅!