今個聖誕假期，準備帶澄澄去印尼以外嘅地方見識吓。本來澄澄話想睇雪，但係怕佢唔適應咁凍嘅氣候，所以都係去啲熱帶地方，我自已就想去新加坡，但係爸爸就話寧願去海南島；其實只要唔係印尼，去邊度都無乜所謂。
到埗嘅第一個活動就係搵嘢食醫肚，行咗酒店一個圈，選咗間西餐廳，啲嘢食就麻麻，尤其係爸爸嘅吉列豬扒，又貴又唔好食；澄澄叫嘅就係漢堡腸薯條，反而我嘅辣子雞丁仲惹味，不過呢餐飯就一啲都唔平。
响酒店閒逛咗一陣，返咗房休息，瞓醒已經差不多六點半，房裡面有私人嘅露天浸浴，於是試吓個浸浴池，剩係準備缸水都用咗成四十分鐘，其實都幾浪費，不過人一世物一世，都要試吓嘅。三個人玩完一輪再沖過涼，已經八點幾。今次去試咗間中菜館，水準果然好啲，而且價錢同晏晝個餐差唔多，但係有三個餸加個炒飯!
第一日嘅行程就係咁過去，大家都倦極而睡!
沒有留言:
發佈留言