澄澄等咗好耐終於可以再去海洋公園玩! 其實佢最想去嘅仲係首選迪士尼，次選海洋公園，然後就係去昂坪360坐纜車。本來我打算同佢去坐360纜車，不過姑姐同姑丈較早前先去完，碰上大風，坐到有啲驚，所以最後都係去返澄澄鍾意嘅Ocean Park。
本來仲有另外一個選擇就係馬灣附近嘅羅亞方舟Naoh Ark's Park，不過上網check過啲料，我估澄澄未必有興趣，首先無機動遊戲，其次都係睇吓一啲假嘅動物，以前同佢去真嘅safari，佢都無興趣仲話驚，所以最後都無去。
澄澄同表妹君君玩得好開心，連晏覺都唔使瞓，玩到變成兩隻落湯雞咁....之後返屋企同佢沖咗個涼至出去食飯，因為佢地頭汗實在太嗅。食完飯好似仲意猶未盡，於是又上咗姑婆屋企再玩咗一陣，最後又係由頭濕過晒，不得已又再沖涼! 天氣已經開始變涼，兩隻豬仔仲可以玩到濕晒真係佩服，不過今日又離奇地比早前熱返。
本來我都係諗住天氣開始有啲涼，最好就係去戶外活動吓，不過難得佢地玩得咁開心，我地幾個大人又有annual pass，唔去又係浪費!
返到屋企，澄澄終於都俾睡魔急call，食完奶上床無耐就昏睡咗! 小朋友嘅耐力真係唔可以睇少...
沒有留言:
發佈留言