若有所失

自從搬屋之後，澄澄就開始一個人自己瞓,有時我叫佢過嚟陪我瞓，佢都唔肯，話我間房無Hello Kitty，因為佢間房貼滿晒佢鍾意嘅貼紙。

但係呢幾日佢又一反常態，話要去我個房瞓。問佢點解，佢只係話想；今晚我再問佢，佢終於講我知，原來澄澄知道爸爸就快由北京返嚟，佢唔想爸爸瞓我張床，所以佢想霸住個位；仲話爸爸返嚟要去廚房瞓! 唔知點解佢覺得媽咪係屬於佢嘅，但係我同佢講老婆係爸爸嘅佢又唔贊成....

所以到依家，有時佢見到爸爸搭我膊頭或者拖手，佢都係唔俾，即刻就會拉開我走，難為了爸爸!