學校秋季旅行

本來今日係學校嘅旅行，目的地係九龍公園；因為澄澄嘅腸胃炎仲未完全好，怕佢仲會邊食邊嘔，麻煩到啲老師，於是幫澄澄請咗假。點知因為天氣差同打緊一號風球嘅關係，學校都取消咗今日嘅旅行；於是澄澄又可以有返個機會，可以等下次學校再搞先去。

一連兩晚要點點鐘起身睇吓澄澄有無發燒或者嘔，第二朝仲要返工，搞到我都有啲疲。如果果日我都有食海南雞飯，就連我都中招，反而係Idy姨姨幫我擋咗呢一劫，因為佢之後都有嘔，係輕微腸胃炎！

病咗兩日嘅澄澄，連面上嘅麵包仔都無咗，可憐！