興趣班 ~ 芭蕾舞

今日係澄澄轉去SDM嘅第一堂Ballet Jazz，因為有晒成套舞衣兼且要紥起個髻仔，可能佢覺得好靚，所以知道有堂上就好雀躍。

因為上堂嘅時間稍為早咗啲，結果要提早叫醒佢，佢都無賴床，第一時間聽到話去跳舞就彈咗起身。可能係因為佢鍾意嘅，所以就算係上第一堂，老師同小朋友都係唔識嘅，佢都無怕醜；放學嘅時候佢仲問我點解咁快完嘅？

其實SDM嘅堂只係45分鐘，比起以前學校學嘅一個鐘又真係短咗啲嘅，不過就一個星期上兩堂，見佢咁鍾意我都放心啲，因為我幫佢報咗一年嘅course，之後仲會考個澳洲嘅國際試至可以升級。

落堂前嘅五分鐘我可以入去觀課，因為係第一堂，我見佢都跟得到老師教嘅每一個動作，反而有啲小朋友就唔係太專心，只係坐咗响度自己玩，睇到澄澄呢份專注，心裡面都覺得好安慰，覺得物有所值！