澄澄...大個女

開學一個星期，澄澄已經回復正常，亦都唔聽見佢再講話掛住許老師、鄧老師，可能佢已經明白到升班嘅分別喇！亦好明顯佢已經大個女喇，佢都當自己係大姐姐，話要照顧低班啲嘅弟弟妹妹。

學校有啲訂圖書嘅單章派返嚟，佢都會同我講，如果想買就買啦，唔買都得嘅！另一張係課外活動嘅，佢又同我講可以簡自己鍾意嘅活動參加...其實呢兩張單章都無回條跟返嚟，只係靠小朋友把口，將老師响學校講過嘅嘢轉述返嚟，呢方面我都深信佢有能力做得到。

但係另方面，佢嘅脾氣都越嚟越大，有時同姐姐玩得唔合佢心意，就會好嬲，好惡，可能同我有時同樣咁對佢有啲關係，我都要自我檢討下！

因為小朋友最喜歡模仿，而父母親人就係佢地最易接觸到同模仿嘅對象，真係要小心！