今晚因為臨走前俾老闆捉咗入去問啲嘢所以遲咗半個鐘頭至走，澄澄見我未返到屋企就打電話問我點解仲未返到呀？我同佢講因為老闆搵我嘛...於是澄澄又同我講，咁你同老闆講話你好掛住囡囡要走啦！吓，佢竟然識得教我咁講，真係嚇人！
隔咗幾分鐘佢又打俾我話想去Jusco騎馬馬，突然又話騎馬馬好貴架，不如玩第二樣啦...
收咗線之後佢又打嚟話不過我無錢呀，媽咪去'唱'錢吖？
我都未返到屋企，飯又未食，佢就一連打幾個電話嚟；自從澄澄學識咗我個電話號碼之後，我個電話就變得繁忙咗，少少嘢佢就打俾我，有時都唔知好唔好嬲佢，不過聽到佢把聲又好開心...
沒有留言:
發佈留言