講故事...

喺印尼返嚟之後開始培養澄澄臨瞓前同佢講故事，話哂佢都已經正式返學，佢似乎好鈡意。其實佢有好多書，有啲姑姐俾，有啲我地買，只不過以前爸爸媽媽無恆心去同佢講，而佢比較細嘅時候個專注力亦無咁好，所以無認真實行。

依家每晚食奶或者瞓覺嘅時候，佢就要我同佢講故事，有時候係安徒生童話，有時候係三分鐘小故事，什至係三字經，佢都有興趣聽。有啲故事同佢講咗兩次，佢就會講返出嚟，當然唔會好detail，但係佢都幾好記性，講到個大概，仲問我呢個故事教小朋友要點呀！

有次佢一口氣睇咗八九本書，佢真係要我逐頁同佢講，都咪話唔疲....不過都總好過成日玩嘅。遲啲我幫佢報咗名學爵士舞，因為見佢都幾有音樂感，其實都係課外活動啫，接觸多啲唔同嘅老師同小朋友，等佢個胆練大啲。